पुणेकर शीतल महाजन-राणेचा थायलंड मध्ये विक्रम नऊवारी साडी घालून 13 हजार फुटांवरुन स्कायडायव्हिंग जंम्प
पॅराशूटच्या सहाय्याने विमानातून अाकाशात झेप घेणाऱ्या स्कायडायव्हिंग या साहसी खेळात देशाचे नाव उज्वल करणाऱ्या पुण्याचे शीतल महाजन-राणे यांनी प्रथमच महाराष्ट्रातील संस्कृतीचे प्रतीक असलेली नऊवारी साडीचा पेहराव करुन थायलंड मध्ये 13 हजार फुटांवरुन स्कायडायव्हिंग जंम्प करत महाराष्ट्राचे नाव उंचवले अाहे.
स्कायडायव्हिंग क्षेत्रात उत्तुंग भरारी घेत पद्यश्री शीतल महाजन यांनी अातापर्यंत 17 राष्ट्रीय अाणि सहा जागतिक विक्रम करुन या क्षेत्रात भारतीय पहिली महिला खेळाडूचा मान पटकाविलेला अाहे. भारतीय संस्कृतीत प्राचीन काळापासून साडीला विशेष महत्व असून साडीचे अनेक प्रकार देशभरात अाहे. महाराष्ट्राचा सार्थ अभिमान असलेल्या शीतल यांनी स्कायडायव्हिंग करीत नऊवारी साडी नेसून जंम्प करण्याचे ठरविले. मराठी असल्याचा अभिमान व्यक्त करणे अाणि महिला काेणत्याही क्षेत्रात कमी नसून सर्व क्षेत्रात अापल्या कर्तृत्वाचा ठसा सक्षमरित्या उमटवू शकतात हे यामाध्यमातून स्पष्ट करणे हा उद्देश या जंम्पच्या पाठीमागे असल्याची भावना व्यक्त करत शीतल महाजन यांनी सांगितले की, अातापर्यंत जगात काेणीच साडी घालून स्कायडायव्हिंग केलेली नसून अशाप्रकारचे धाडस अापण करावे अाणि मराठी बाणा दाखवून द्यावा असे मला वाटले. त्यानुसार पहिल्यांदाच महाराष्ट्राची संस्कृती असलेल्या महिलांच्या नऊवारी साडीचा पेहराव करुन थायलॅंड देशात स्कायडायव्हिंग सेंटर येथे 13 हजार फुटांवरुन विमानातून अाकाशात भरारी घेतली. अातापर्यंत शीतल महाजन यांच्या एकूण 705 पॅराशूट जंम्प पूर्ण झालेल्या अाहेत.
