महावितरणच्या मुख्यालयातील विशेष मदत कक्षामुळे ग्राहकांना तत्परतेने वीजजोडणी

नवीन वीजजोडणी सुलभतेने मिळावी तसेच याबाबत तक्रार असल्यास ती तातडीने सोडविली जावी आणि ग्राहक नावात बदल करणे सुलभ व्हावे यासाठी महावितरणच्या मुंबई येथीलप्रकाशगड मुख्यालयात एप्रिल 2017 पासून विशेष मदत कक्ष सुरू करण्यात आला आहे. या कक्षाकडे एप्रिल व मे या दोन महिन्यांत सुमारे 326 ग्राहकांनी संपर्क साधला. यातील 170 ग्राहकांनीनवीन वीजजोडणीच्या संबंधात चौकशी केली. त्यापैकी 34 ग्राहकांना नवीन वीजजोडणी देण्यात आली आहे. तसेच 156 ग्राहकांनी नावात बदल करण्याबाबत या कक्षाकडे मदत मागितली. त्यातील9 ग्राहकांच्या नावात बदल करून देण्यात आला आहे. तसेच उर्वरित ग्राहकांच्या तक्रारी या मदत कक्षातर्फे कागदपत्रे तपासून सोडविण्यात येत आहेत.

नवीन वीजजोडणी, नावात बदल व वीजजोडणी न मिळालेल्या ग्राहकांनी आपली तक्रार सोडविण्यासाठी 022-26478989 व 022-26478899 या दूरध्वनी क्रमांकावर संपर्क साधावा,असे आवाहन महावितरणच्या वतीने करण्यात येत आहे.