सात लोकांनी बनविला ७० मिनिटांचा सिनेमा
द ऑफेंडर-स्टोरी ऑफ अ क्रिमिनल
पुणे(प्रतिनिधी):- द गोल्ड पिरामिड पिक्चर्स निर्मित “द ऑफेंडर-स्टोरी ऑफ अ क्रिमिनल”हा चित्रपट प्रेक्षकांच्या लवकरच भेटीला येत आहे. ह्या चित्रपटाची निर्मिती द गोल्ड पिरामिड पिक्चर्स पुण्यातील नव्याने उभ्या असलेल्या चित्रनिर्मिती संस्थेने केली आहे. या चित्रपटाचे दिग्दर्शक व संकलन सुशील महाजन तसेच कथा,पटकथा, लेखन डॉ अमित कांबळे केले आहे. या चित्रपटाचे वैशिष्ट असे कि, हा चित्रपट सात लोकांनी बनवला असून यातील जे कलाकार चित्रपटात पडद्यावर दिसतात त्यांनीच या चित्रपटाच्या तांत्रिक बाबींची म्हणजे केमेरा,साउंड, लाईट,एडिटिंग,अशा सर्व बाबींची पूर्तता केली असून सर्व कलाकार डॉ,इंजिनिअर्स,प्रोफेसर आहेत.
चित्रपटाचे पूर्ण चित्रीकरण पुण्यातील खानापूर येथे १३ दिवसात पार पडले असून सिंक साउंड तंत्राण्यानाचा या सिनेमात करण्यात आला आहे.संपूर्ण सिनेमा ५.१ साउंड मध्ये बनला आहे.या चित्रपटात सस्पेन्स,थ्रिलर,अक्शन,यांचा समावेश आहे.
या चित्रपटात अनिकेत सोनावणे,दिनेश पवार,सुरज दहिरे,शिवाजी कापसे,दीप्ती इनामदार,सोमनाथ जगताप,निखिल ओडयरहल्ली,हृषीकेश वाईकर या कलाकारंचा समावेश आहे.
