आंतरशालेय पोवाडा गायन स्पर्धेत नू.म.वि प्रशाला प्रथम
पुणे, 18/8/2019 : कै. शाहीर किसनराव हिंगे जयंतीनिमित्त राष्ट्रीय शाहीरी दिनाचे औचित्य साधून लोकमान्य लोकशाहीरा घ्या शाहिरी मुजरा… आंतरशालेय पोवाडे गायन स्पर्धेचे आयोजन करण्यात आले. शाहीर हिंगे लोककला प्रबोधिनी आणि डेक्कन एज्युकेशन सोसायटी, पुणे यांच्या वतीने आयोजन स्पर्धेत मोठ्या गटात नू.म.वि प्रशाला व छोट्या गटात यजमान शाहीर हिंगे लोककला प्रबोधिनीने प्रथम क्रमांक पटकाविला. स्पर्धेत विद्यार्थ्यांनी ऐतिहासिक व्यक्ती, सामाजिक व्यक्ती, राष्ट्रीय व्यक्ती आणि समाजप्रबोधनपर पोवड्यांचे सादरीकरण केले.
निकाल- नू. म. वि प्रशाला (मोठा गट) आणि शाहीर हिंगे लोककला प्रबोधिनी (छोटा गट) यांचे यश
न्यू इंग्लिश स्कुल रमणबाग (मोठा गट), अभिनव इंग्लिश मिडीयम स्कुल (सीबीएससी) नºहे, (छोटा गट) यांनी द्वितीय तर अभिनव इंग्लिश मिडीयम स्कुल (सीबीएससी) नºहे (मोठा गट), भारतीय विद्या भवन सुलोचना नातू विद्यालय (छोटा गट) यांनी तृतीय क्रमांक पटकाविला. दोन्ही गटातील प्रथम क्रमांकास प्रत्येकी ३ हजार रुपये आणि सन्मानचिन्ह, द्वितीय क्रमांकास २ हजार रुपये आणि सन्मानचिन्ह व तृतीय क्रमांकास १ हजार रुपये आणि सन्मानचिन्ह देण्यात येणार आहे.
