विद्यार्थ्यांनी शिक्षणातून राष्ट्रनिर्मिती करावी- आमदार विजय काळे यांचे प्रतिपादन

पुणे/प्रतिनिधी

विद्यार्थ्यांकडून आई-वडील व समाजाच्याही मोठ्या अपेक्षा असतात त्यामुळे त्यांनी जबाबदारी ओळखून स्वतःच्या पायावर उभे रहात कुटुंबाचे नाव कमवावे यातूनच राष्ट्रनिर्मिती होते असे आवाहन आमदार विजय काळे यांनी केले.

नगरसेविका निलीमा खाडे यांच्या वतीने प्रभाग क‘मांक 24 मधील दहावी बारावीतील गुणवंत विद्यार्थ्यांचा सत्कार आमदार काळे यांच्या हस्ते करण्यात आला यावेळी ते प्रमुख पाहूणे म्हणून बोलत होते. याप्रसंगी भाजपाचे शहराध्यक्ष योगेश गोगावले, नगरसेविका निलीमा खाडे, शहर उपाध्यक्ष दत्तात्रय खाडे, माजी महापौर नाना नाशिककर, नगरसेवक उदय जोशी, शिवाजीनगर अध्यक्ष सतिश बहिरट, शिवाजीनगर युवा मोर्चा अध्यक्ष अपुर्व खाडे, प्रभाग अध्यक्ष नितीन कोर, नाना मोरे, शिक्षक,  विद्यार्थी व पालक मोठ्या सं‘येने उपस्थित होते.

आमदार काळे म्हणाले की, राज्यसरकार व केंद्रसरकारकडून समाजातील विविध घटकांसाठी अनेक योजना असतात त्यांचाही लाभ घ्यावा. विद्यार्थ्यांच्या हातून चांगले नागरिक म्हणून आईवडीलांना अभिमान वाटेल असेच कार्य घडावे नोकरी, धंदा, व्यवसायासाठी तुमच्या कर्तत्वाचाला कष्टाची जोड द्या असे आवाहनही काळे यांनी केले.

निलीमा खाडे म्हणाल्या की, गुणवंत विद्यार्थ्यांचे यश हे कौतुकास्पद आहे त्यामुळे त्यांच्या पालकांचेही कौतुक आहे. मुलांना घडविण्यात आई-वडीलांचे मार्गदर्शन उपयुक्त असते  मुलांनी आवडीचे क्षेत्र निवडावे, कोणाच्याही सांगण्यावरुन नको. करिअरच्या वाटा अनेक आहेत त्यामुळे भवितव्य उज्वल आहे. काबाड कष्ट करुन अत्यंत गरीब घरातील आई-वडीलांचा आधी विचार करावा. कर्तव्याचा विसर पडू  देवू नका असा स‘ाही खाडे यांनी दिला. तसेच 80 टक्के गुण मिळविल्यानंतर महापालिकेकडून 25 हजार रुपये अनुदान, 70 टक्के गुण मिळाल्यास 15 हजार रुपये अनुदान दिले जाते. उच्चशिक्षणासाठीही अनुदान दिले जाते त्याचाही विद्यार्थ्यांनी लाभ घ्यावा असे खाडे यांनी आवर्जुन नमूद केले.